Ամերիկյան ոստիկանությունը Հասարակածային Գվինեայի դեսպանին կասկածում է աթոռի փայտյա ոտնակով աղջկան ծեծելու մեջ: Իրավապահ մարմինները չեն կարող վերջինիս կալանավորել՝ դիվանագիտական անձեռնմխելիության պատճառով:
Շաբաթվա սկզբին Առլինգթոն քաղաքում տեղակայված դեսպանի նստավայրից ոստիկանություն ահազանգ է ստացվել: Ոստիկանության ներկայացուցիչ Դեսթին Շթերնբեքի խոսքով՝ նրանք անչափահաս աղջկան հայտնաբերել են գլխի խոր կտրած վերքով եւ այլ վնասվածքերով: Աղջիկը տեղափոխվել է հիվանդանոց;
«Մենք արձանագրել ենք, որ գլխավոր կասկածյալը դեսպանն է», - ասել է Շթերնբեքը, հաղորդում է BBC-ի ռուսական ծառայությունը:
Ավելի վաղ, լրատվամիջոցները հաղորդել էին, որ անչափահասը դեսպանի աղջիկն է: Սակայն դիվանագետի նստավայրի ծառայողներից մեկը Associated press գործակալությանը հայտնել է, որ դեսպանի 16-ամյա աղջկա հետ ամեն ինչ կարգին է: