Ճապոնիայում վերջին երկու օրերի ընթացքում արձանագրվել են դենգե տենդի երեք դեպք: NHK հեռուստաալիքի փոխանցմամբ՝ սա ճապոնիայի տարածքում վերջին 70 տարիների ընթացքում հիվանդների վարակման առաջին դեպքն է:
Վարակվել են Սայթամա պրեֆեկտուրայի երկու աղջիկներ եւ Տոկիոյից մեկ երիտասարդ: Ինչպես հաղորդվում է, նրանք բոլորը ճանաչում են իրար, սակայն երբեք երկրի սահմաններից դուրս չեն եկել, հաղորդում է «ԻՏԱՌ-ՏԱՍՍ»-ը:
Դենգեյի տարածողները մոծակներն են: Հիվանդությունը, որպես կանոն, ուղեկցվում է ջերմության բարձրացմամբ, ավշային հանգույցների մեծացմամբ, ցանով, մկանային ու հոդային ցավերով:
Առողջապահության համաշխարհային կազմակերպության վիճակագրությամբ՝ դենգե տենդով տարեկան մոտ 100 մլն մարդ է վարակվում: