Սերբիայի ֆուտբոլիստների ժամանումը կարող է լուրջ ազդեցություն ունենալ նրանց առողջութան վրա: Trend-ի փոխանցմամբ՝ նախօրեին «Նեֆչի» տեղական ակումբի երկրպագուները գրեթե դատաստան են տեղել «Պարտիզան» ակումբի ֆուտբոլիստների հետ:
Ադրբեջանում Սերբիայի դեսպանատունը անհանգստություն է հայտնել պարապմունքների ժամանակ միջադեպի կապակցությամբ: «Դեսպանատունը տհաճորեն զարմացած է օգոստոսի 27-ի երեկոյան Բաքվի «Նեֆչիի» մարզադաշտում «Պարտիզանի» պարապմունքների ընթացքում տեղի ունեցած միջադեպով: «Նեֆչիի» երկրպագուները շշեր եւ այլ առարկաներ են նետել ֆուտբոլային դաշտ, իսկ պարապմունքներն ավարտվելուց հետո խաղացողներին տեղափոխող ավտոբուսի ուղղությամբ քարեր շպրտել, - ասվում է դեսպանատան հաղորդագրության մեջ:
Հաղորդագրության մեջ նշվում է, որ Ադրբեջանում Սերբիայի դեսպանատունը ակնկալում է, որ «Պարտիզան» ֆուտբոլային ակումբի խաղացողների եւ երկրպագուների անվտանգության ապահովման համար համապատասխան քայլեր կձեռնարկվեն՝ նախքան նրանց Բաքու ժամանելը:
«Մենք հույս ունենք, որ նշված միջադեպը կազմակերպված բնույթ չի կրել: Սակայն եւս մի նմանատիպ միջադեպը կարող է Սերբիայի եւ Ադրբեջանի միջեւ լավ հարաբերություններու փչացնելու փորձ դիտարկվել: Այդ կապակցությամբ մենք ակնկալում ենք, որ օրինախախտները կպատժվեն համապատասխան կերպով», - ասվում է հաղորդագրության մեջ: