Սիրիայի նախագահ Բաշար Ասադը չի կարող Արեւմուտքի գործընկերը լինել Իրաքում եւ Սիրիայում արմատական իսլամիզմի դեմ պայքարում: Նման հայտարարությամբ է հանդես եկել Ֆրանսիայի նխագահ Ֆրանսուա Օլանդը, հաղորդում է ԻՏԱՌ-ՏԱՍՍ-ը:
«Անհրաժեշտ է լայն դաշինք, սակայն պետք է պարզաբանել մի քանի բան. Բաշար Ասադը չի կարող գործընկերը լինել ահաբեկչության դեմ պայքարում: Նա մոջահեդների օբյեկտիվ դաշնակիցն է: Նրանք փոխադարձաբար աջակցում են միմյանց»,-հայտարարել է Ֆրանսիայի նախագահը: