Ուկրաինայի նախագահ Պյոտր Պորոշենկոն չեղյալ է հայտարարել իր այցը Թուրքիա Դոնբասում լարված իրավիճակի պատճառով: Այդ մասին հաղորդում է Ուկրաինայի նախագաի մամուլի ծառայությունը:
«Ես որոշում եմ ընդունել չեղյալ հայտարարել իմ աշխատանքային այցը Թուրքիայի Հանրապետություն՝ Դոնեցկի շրջանում, մասնավորապես Ամվրոսիեւկում եւ Ստարոբեշեւոյում իրավիճակի սրացման կապակցությամբ, քանի որ ռուսական զորքերը ներթափանցել են Ուկրաինա», - հայտարարել է նախագահը:
Պորոշենկոն հաղորդել է, որ այսօր Ազգային անվտանգության եւ պաշտպանության խորհրդի նիստ կգումարվի հետագա գործողությունների ծրագրի մշակման նպատակով:
«Նախագահի տեղն այսօր Կիեւում է», - ավելացրել է երկրի նախագահը:
«Աշխարհը պետք է գնահատական տա Ուկրաինայում հաստատված նման իրրավիճակին», - ասել է Ուկրաինայի նախագահը: Նրա խոսքով՝ Ուկրաինան կդիմի իր եվրոպացի գործընկերներին՝ կոչ անելով Եվրամիության Խորհրդի արտակարգ նիստ գումարել:
Ավելի վաղ, Ուկրաինայի վարչապետ Արսենի Յացենյուկը արեւմտյան գործընկերներին կոչ էր արել ՄԱԿ-ի անվտանգության Խորհրդի նիստ հրավիրել՝ պնդելով, որ «Ռուսաստանը զգալիերոն մեծացրել է իր ռամզական ներկայությունը Ուկրաինայում»:
Ավելի վաղ, Ուկրաինայի ներքին գործերի նախարարի խորհրդատու Զորյան Շկիրյակը հայտարարել էր, որ Ռուսաստանը լայնասմասշտաբ ռազմական ներխուժում է սկսել երկրի տարածքում: Բացի այդ, DW պարբերականը, վկայակոչելով The New York Times-ին, հաղորդել էր, որ ռուսամետ ակտիվիստները Ռուսաստանից տանկերի, հրետանու եւ հետեւազորի տեսքով օգնական ուժ են ստացել:
