Հակաահաբեկչական գործողության գոտում իրավիճակը բարդ է, սակայն բավականին վերահսկելի: Այդ մասին Ուկրաինայի ազգային անվտանգության եւ պաշտպանության խորհրդի նիստի ժամանակ հայտարարել է Ուկրաինայի նախագահ Պյոտր Պորոշենկոն, հաղորդում է UNN-ը:
«Անկեղծ կլինեմ, իրավիճակը ծայրաստիճան ծանր է եւ ոչ ոք չի պատրաստվում այն պարզեցնել, սակայն այն բավականին վերահսկելի է, որպեսզի մենք խուճապի չմատնվենք, պահպանենք, սառը դատողությունը, ողջախոհությունը եւ մեր հետագա գործողությունների հստակ հաշվարկը», - նշել է Պորոշենկոն:
Նա նաեւ ընդգծել է, որ «վիճակի ապակայունացումը եւ խուճապը մեր թշնամու համար նույնպիսի զինք են, ինչպես որ տանկերը»:
«Այն թույլ է տալիս ոչ այդքան խորը երկրի տարածք ներթափանցելով՝ ապակայունացնել ամբողջ երկրի իրավիճակը», - ընդգծել է նախագահը:
Ավելի վաղ Կիեւում Պորոշենկոյի նախագահությամբ Ուկրաինայի ազգային անվտանգության եւ պաշտպանության խորհրդի արտակարգ նիստ էր սկսվել: