Մետաղական կողպեքներ կոտրելու գծով փորձագետներ Ջոս Ուեյերսն ու Քրիստիան Հոլերը, օգտագործելով սմարթֆոնի հատուկ ծրագիրը, որը հենց իրենք են մշակել, սքանավորել են կողպեքի բանալու ձեւը: Դրանից հետո 3D-պրինտերով պլաստմասե եւ մետաղական բանալիներ են տպել ու հոլոովակ տեսագրել՝ ցույց տալով, թե ինչպես կարող են հեշտությամբ բացել կողպեքը: Այս մասին գրում է «RT»-ն:
Ըստ օտարերկրյա լրատվամիջոցների, «այն ամենը, ինչ հարկավոր է կողոպուտի համար, կողպեքի անցքի լուսանկարն է, դրա միջուկի երկարության եւ ներսի հատվածի թմբիկների մոտավոր տեղի իմացությունը. տեղեկություն, որը համացանցում հասանելի է»: Այնուհետեւ տվյալները մշակվում են հատուկ «Photobump» ծրագրի միջոցով, որն էլ բանալին մոդելավորում է 3D-պրինտերի վրա:
Գործողության սկզբունքը պարզ է եւ վաղուց է հայտնի կողոպտիչներին: Երբ բանալին դրվում է կողպեքի մեջ, հարկավոր է մի քանի անգամ մուրճով հարվածել, որպեսզի դուրս գան կողպեքի խոչընդոտող մասերը, եւ պտտել բանալին: Այս ամենն էլ փորձագետները ցուցադրել են հոլովակում:
