ԱՄՆ-ի Սենատի արտաքին գործերի հանձնաժողովի ղեկավար Ռոբերտ Մենենդեսն այս հանգստյան օրերին կայցելի Էստոնիա, Լեհաստան եւ Ուկրաինա: Ըստ նրա մամլո քարտուղարի՝ սենատորի այցի հիմնական թեման կդառնա «Ռուսաստանի եւ մասամբ Ուկրաինայի կողմից տարածաշրջանի ապակայունացումը»,- հայտնում է «Ամերիկայի ձայնը»:
«Ռուսաստանի գործողությունները հանգեցնում են Էստոնիայի, Լեհաստանի եւ Ուկրաինայի համար լուրջ հետեւանքների,- հայտարարել է Մենենդեսը: - ԱՄՆ-ն, մեր եվրոպացի դաշնակիցների հետ համատեղ, նախագահ Պուտինին եւ նրա անջատականների ջոկատներին, որոնք խփեցին քաղաքացիական օդանավը՝ 298 անմեղ մարդու կյանք խլելով, թույլ չի տա փոխել համաշխարհային կարգը
Ռուսաստանի պահվածքում արմատական փոփոխություններ են անհրաժեշտ: Նախագահ Պուտինը կարող է փոխել ներկայիս ագրեսիայի ուղղությունը, որով ընթանում է իր երկիրը: Նա պետք է դադարի միջամտել Ուկրաինայի ներքին գործերին եւ աջակցել անջատականներին:
Միայն այսկերպ Ռուսաստանը կարող է վերականգնել քաղաքական եւ տնտեսական նորմալ կապերը մնացյալ աշխարհի հետ»:
