Ուկրաինայի արեւելքում զինված հակամարտության հետեւանքով ապրիլի սկզբից մինչեւ օգոստոսի 27-ն ընկած ժամանակահատվածում մոտ 2600 մարդ է զոհվել: Այս մասին ասվում է ՄԱԿ-ի զեկույցում:
Կազմակերպության փորձագետների խոսքով՝ երկու կողմերն էլ մեղավոր են խաղաղ բնակիչներին դիտավորյալ հարվածներ հասցնելու մեջ, թեեւ խոշտանգումներն ու մարդկանց առեւանգումները հիմնականում կատարել են ապստամբները, ասված է զեկույցում:
«Միտումը պարզ է եւ մտահոգիչ: Մենք արեւելքում զոհերի զգալի աճ ենք տեսնում»,-ասել է ՄԱԿ-ի գլխավոր քարտուղարի մարդու իրավունքների հարցերով խորհրդական Իվան Սիմոնովիչը: Նրա խոսքով՝ զոհերի ընդհանուր թվում ներառված են նաեւ Դոնեցկի մարզում մալայզիական «Բոինգի» կործանման հետեւանքով զոհվածները, հաղորդում է BBC-ի ռուսական ծառայությունը:
