Օգոստոսի 26-ին մի քաղաքացի ոստիկանության Նաիրիի բաժնում հաղորդում էր տվել, որ 23-ամյա Հովհաննես Հ.-ն Եղվարդ քաղաքի Շիրազի 6-րդ փողոցում գտնվող իր տնից գողացել է կենցաղային իրեր եւ հագուստ` պատճառելով 7.000 ԱՄՆ դոլարին համարժեք 2.870.000 դրամի նյութական վնաս:
Ոստիկանության մամուլի ծառայությունից հայտնում են, որ ոստիկանների ձեռնարկած միջոցառումների շնորհիվ` Եղվարդ-Աշտարակ ճանապարհի 75-րդ կմ-ից, իր վարած «ԶԱԶ» մակնիշի ավտոմեքենայով, բերման է ենթարկվել 24-ամյա Սիրեկան Մ.-ն եւ ուղեւոր Հովհաննես Հ.-ն: Վերջինիս մոտ հայտնաբերվել է գողացված «Նեթբուք» համակարգիչը:
Հովհաննես Հ.-ն ձերբակալվել է:
Կատարվում է նախաքննություն:
