Ոստիկանության Կոտայքի բաժնում օրերս ահազանգ էր ստացվել, որ Գեղարդ գյուղի սարերում գտնվող մի կոոպերատիվի տարածքից եւ գոմից գողություն է կատարվել:
Ոստիկանության մամուլի ծառայությունից հայտնում են, որ ոստիկանները պարզել են, որ քանդելով կոոպերատիվին պատկանող անասնագոմը եւ 2 վագոն-տնակները` գողացել են երկաթյա կոնստրուկցիաներ, փայտեր եւ գերաններ` պատճառելով 8.000.000 դրամի նյութական վնաս:
Ոստիկանության Գառնիի բաժանմունքի ծառայողների կողմից ձեռնարկված միջոցառումների շնորհիվ պարզվել է, որ գողությունը կատարել է 1997 թ. ծնված Կորյուն Հ.-ն, որը բերման է ենթարկվել Գառնիի բաժանմունք եւ ներկայացվել ոստիկանության Կոտայքի քննչական բաժանմունք: