ՌԴ-ի նախագահ Վլադիմիր Պուտինը հայտարարել է, որ Ռուսաստանը երբեք առաջ չի մղել Ուկրաինայի նախկին նախագահ Վիկտոր Յանուկովիչին:
«Ինչ վերաբերում է նախկին նախագահ Վիկտոր Յանուկովիչին. Մենք ոչ մի տեղ առաջ չեն մղել եւ չենք խցկել Վիկտոր Ֆյոդորովիչ Յանուկովիչին: Ես կցանկանայի, որպեսի դուք իմանաք, եւ Ռուսաստանում ու Ուկրաինայում բոլորը իմանան՝ ոչ մի նման բան երբեք չի եղել», - «Սելիգեր-2014» Համառուսական երիտասարդական ֆորումին հայտարարել է Պուտինը:
Նախագահի խոսքով՝ «Ռուսաստանը միշտ աջակցում է գործող իշխանությանը»:
«Մենք մեր որոշ գործընկերների նման չենք, հնարավոր է, նրանք այս առումով ավելի գործնական են. նրանք միշտ հավկիթները տարբեր զամբյուղների մեջ են տեղավորում: Նույնիսկ եթե իշխանությունը նրանց (ամերիկացիներին) հավատարիմ է, միեւնույն է, նրանք աշխատում են ընդդիմության հետ: Միշտ: Եվ նույնիսկ մի փոքր քաշում մոտեցնում են, եւ մի փոքր հարձակման հրահրում գործող իշխանությանը, որպեսզի գործող իշխանությունը էլ ավելի հավատարիմ լինի», - նշել է Պուտինը: