ՌԴ նախագահ Վլադիմիր Պուտինը համարում է, որ Ղրիմի՝ որպես Ռուսաստանի մաս, միջազգային ճանաչման հարցի լուծումը կլինի «երկարատեւ ու հոգնեցուցիչ»:
Ղրիմի ճանաչման հետ կապված խնդիրների լուծումը, կարծում եմ, կլինի «երկարատեւ ու հոգնեցուցիչ»: Ինձ համար դա տարօրինակ է, որովհետեւ այն ինչ տեղի ունեցավ Կոսովոյում, խոսում է այն մասին, որ եթե կա քաղաքական կամք ու ցանկություն, ապա շատ հեշտ ճանաչվում են այն որոշումները, որոնք տեղի են ունեցել Կոսովոյում կամ Ղրիմում»,-ասել է Պուտինը «Սելինգեր-2014» երիտասարդական ֆորումի ժամանակ, հաղորդում է ՌԻԱ Նովոստին:
