Նոր ուսումնական տարվա առթիվ ՖԻՆՔԱ ունիվերսալ վարկային կազմակերպությունը «Անհոգ մանկություն» նախագծի շրջանակում Հայաստանի Հանրապետության միջնակարգ դպրոցների, հատուկ նշանակության դպրոցների, գիշերօթիկ դպրոցների, ինչպես նաև մանկատների երեխաներին նվիրել է պայուսակներ: Ինչպես NEWS.am-ին կազմակերպությունից հայտնեցին` դպրոցական պայուսակ է տրամադրվել շուրջ 2 հազար առաջին դասարանցու:
«Մենք համոզված ենք, որ երեխաներն են մեր երկրի ապագա շարժիչ ուժը, այդ պատճառով արդեն 5 տարի է, ինչ ամեն ուսումնական տարվա սկզբին մեր սոցիալական պատասխանատվության նախագծերից մեկի` «Անհոգ մանկություն» նախագծի շրջանակում, գեղեցիկ անակնկալներ ենք մատուցում առաջին դասարանցի փոքրիկներին»,- ասել է ՖԻՆՔԱ ՈՒՎԿ-ի Մարկետինգի բաժնի ղեկավար Եվա Գրիգորյանը:
Հիշեցնենք, որ ՖԻՆՔԱ ՈՒՎԿ-ը գործում է արդեն 15 տարի: Կազմակերպությունն ունի մասնաճյուղեր Երևանում և մարզերում: Ներկայումս ՖԻՆՔԱ-ն սպասարկում է ավելի քան 56,000 հաճախորդների, իսկ վարկային պորտֆելը կազմում է մոտ 24,8 միլիարդ ՀՀ դրամ: