Սեպտեմբերի 6-ին տեղի կունենա ՀՀԿ խորհրդի նիստը: Այս մասին այսօր՝ օգոստոսի 29-ին, ՀՀԿ գործադիր մարմնի հերթական նիստից հետո, լրագրողների հետ զրույցում նշել է ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:
Նրա խոսքով՝ այսօրվա նիստը վարել է ՀՀԿ նախագահ, երկրի նախագահ Սերժ Սարգսյանը: «Քննարկվել են ներքաղաքական իրավիճակը եւ ներկուսակցական հարցեր, ինչպես նաեւ կուսակցության խորհրդի նիստին վերաբերող հարցեր»,-հայտարարել է Շարմազանովը:
ՀՀԿ խորհրդի նիստում, ըստ նրա, կքննարկվի ԱԺ աշնանային նստաշրջանի եւ քաղաքական սեզոնի աշխատանքը: «Լրիվ բնական է քաղաքական աշնանից առաջ հանդիպում կազմակերպել, որտեղ մենք մտադիր ենք մատնանշել առաջիկա աշխատանքները եւ ամփոփել կատարվածի արդյունքները»,-ամփոփել է ՀՀԿ մամուլի քարտուղարը:
