Այսօր` օգոստոսի 29-ի երեկոյան Թումանյան-Խանջյան փողոցների խաչմերուկում կրակոցներ են հնչել: Ոստիկանությունից NEWS.am-ին հայտնեցին, թե մեկ հոգի հրազենային վնասվածքով տեղափոխվել է հիվանդանոց: Այլ մանրամասներ չեն հայտնել, նշել են միայն, որ հանգամանքները պարզվում են: Կրակողը դեռ չի հայտնաբերվել:
Նշենք, որ այս պահի դրությամբ շրջանառվում է մի վարկած, ըստ որի կրակոցները հնչել են մեքենայից: Նշված դեպքով նյութեր են նախապատրաստվում: Տուժողը «Գրիգոր Լուսավորիչ» բժշկական կենտրոնում է գտնվում: