Հայաստանի ԱԻՆ-ում, այսօր՝ օգոստոսի 30-ին, ժամը 01.32-ին ահազանգ է ստացվել, որ Նուբարաշեն-Զովաշեն ավտոճանապարհի կզբնամասում տեղի է ունեցել ավտովթար, ավտոմեքենան ընկել է ձորը. դուրս բերելու համար անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել փրկարարական ջոկատը:
Դեռեւս չբացահայտված հանգամանքներում բախվել են «Օպել» մակնիշի 35 VO 553 համարանիշի (վարորդ` Է. Թ.) եւ «ՎԱԶ 3110» մակնիշի 23 ՕԼ 075 համարանիշի (վարորդ` Ա. Հ.) ավտոմեքենաները, ինչից «Օպել» մակնիշի ավտոմեքենան դուրս է եկել ճանապարհի երթեւեկելի մասից եւ մոտ 8 մետր ընկել մոտակա ձորը. տուժածներ չկան:
Փրկարարները ձորից դուրս են բերել Է.Թ.-ի «Օպել» մակնիշի ավտոմեքենան: