Հայաստանի կառավարությունը օգոստոսի 28-ի իր նիստում հանրապետության 4 մարզերի տասնյակ համայնքների հողերի նկատմամբ բացառիկ գերակա շահ է ճանաչել: Նպատակը Իրան-Հայաստան 400 կՎ լարման էլեկտրահաղորդման օդային գծի կառուցում» ծրագրի իրականացումն է:
Այսպիսով ՀՀ Կոտայքի, Գեղարքունիքի, Վայոց ձորի եւ Սյունիքի 43 համայնքներից կօտարվի 28854.65քմ հողատարածք: Կոտայքի մարզում կօտարվի 1443.65 քմ հողատարածք Հրազդան քաղաքից: Գեղարքունիքի մարզում կօտարվի 12731 քմ հողատարածք Զովաբեր,. Դդմաշեն, Ծաղկունք, Գեղամավան, Լճաշեն, Չկալովկա, Բերդկունք, Գավառ, Գանձակ, Սարուխան, Լանջաղբյուր, Գեղարքունիք, Երանոս, Վարդաձոր, Ձորագյուղ, Ծակքար, Թազագյուղ, Լիճք, Ն. Գետաշեն, Մադինա, Գեղհովիտ համայնքներից: Վայոց ձորի մարզում կօտարվի 2090 քմ հողատարածք Աղնջաձոր, Վերնաշեն, Մալիշկա, Արին, Գնդեվազ, Սարավան համայնքներից:
ՀՀ Սյունիքի մարզում կօտարվի 12590 քմ հողատարածք Գորայքից, Ծղուկից, Սառնակունքից, Սպանդարյանից, Անգեղակոթից, Շաքիից,Սիսիանից, Ույծից, Աղիտուից, Նորավանից, Վաղատինից, Հարժիսից, Հալիձորից, Տաթեւից, Լեհվազից:
