Երեւանի Բագրատունյաց փողոցի թիվ 3 հասցեի դիմաց, օգոստոսի 29-ին, ժամը 13.45-ին, «Մերսեդես» մակնիշի ավտոմեքենայի անհայտ վարորդը բախվել է 35-ամյա Եփրեմ Մ.-ի վարած «Մերսեդես» մակնիշի ավտոմեքենային, որն էլ բախվել է կայանված, 45-ամյա Արմեն Ա.-ին պատկանող մեկ այլ «Մերսեդես»-ի, իսկ վերջինս էլ առաջ գնալով` բախվել է կայանված, 31-ամյա Արթուր Մ.-ին պատկանող «Օպել» մակնիշի ավտոմեքենային:
Ոստիկանության մամուլի ծառայությունից հայտնում են, որ պատահարի հետեւանքով Երեմ Մ.-ն եւ առաջին «Մերսեդես»-ի ուղեւոր, 71-ամյա Էդիսոն Գեւորգյանը մարմնական վնասվածքներով տեղափոխվել են «Երեւան» բժշկական կենտրոն, որտեղ Է. Գեւորգյանը մահացել է:
Նույն օրը ոստիկանության քրեական հետախուզության գլխավոր վարչության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված ավտոմեքենայի վարորդը 21-ամյա Աշոտ Ղ.-ն է, որը ոստիկանների բացատրական աշխատանքների շնորհիվ` ժամը 22.00-ին, ներկայացել է բաժին:
Վերջինս նյութերի հետ միասին ներկայացվել է ճանապարհատրանսպորտային հանցագործությունների քննության բաժին:
Կատարվում է քննություն: