Օգոստոսի 30-ին Հայաստանում օդի ջերմաստիճանը կսկսի նվազել եւ մինչեւ սեպտեմբերի 1-ը ներառյալ, կնվազի 4-5 աստիճանով: Այդ մասին այսօր՝ օգոստոսի 30-ին, մամուլի ասուլիսի ժամանակ հայտարարեց Հայաստանի արտակարգ իրավիճակների նախարարության «Հայպետհիդրոմետ» օդերեւութաբանական կանխատեսումների կենտրոնի ղեկավարի տեղակալ Գագիկ Սուրենյանը:
Նրա խոսքով՝ այսօրվանից օդային հոսանքները կփոխեն իրենց ուղղությունները, արեւադարձային հոսանքները կուղղորդվեն դեպիհարավ՝ իրենց տեղը զիջելով արկտիկական սառը օդային զանգվածներին: «Արդեն վաղը՝ օգոստոսի 31-ին եւ սեպտեմբերի 1-ին մայրաքաղաքում ջերաստիճանը չի գերազանցի 34-35 աստիճանը: Ջերմաստիճանի առավել կտրուկ անկում կնկատվի Լոռու, Տավուշի, Սյունիքի մարզերում. այնտեղ օդի ջերմաստիճանը կնվազի 8-10 աստիճանով: Շիրակի, Լոռու, Տավուշի, Արագածոտնի, Գեղարքունիքի եւ Կոտայքի մարզերում երեկոյան ժամերին սպասվում են կարճատեւ անձրեւ եւ ամպրոպ, քամու ուժգնացում, Արարատյան դաշտում եւս չեն բացառվում կարճատեւ տեղումներ», - նշեց Գագիկ Սուրենյանը: Նա հավելեց, որ սեպտեմբերի 2-ին օդի ջերմասիճանը մի փոքր կբարձրանա, սակայն սեպտեմբերի 5-ից կսկսի նվազել: