Օգոստոսի 29-ին, ժամը 13.05-ին, 46-ամյա Կամո Կ.-ն զանգահարել է ոստիկանության Արարատի բաժին եւ հայտնել, որ երկու անհայտ անձինք` մոխրագույն ավտոմեքենայով, ժամը 13.00-ի սահմաններում Լանջառ-Լուսաշող ճանապարհից գողացել են իրեն պատկանող մեկ գլուխ հորթը եւ շարժվում են Վեդի քաղաքի ուղղությամբ:
Բաժնի եւ ոստիկանության պահպանության բաժնի ծառայողների ձեռնարկած միջոցառումների արդյունքում` Վեդի քաղաքի վերջնամասում հայտնաբերվել եւ բերման են ենթարկվել «Օպել Վեկտրա» մակնիշի ավտոմեքենայի վարորդ, 25-ամյա Խորեն Մ.-ն եւ ուղեւոր, 23-ամյա Մասիս Մ.-ն:
Ավտոմեքենայի զննությամբ` բեռնախցիկից հայտնաբերվել է մեկ գլուխ հորթ:
Ոստիկանների ձեռնարկած հետագա միջոցառումների շնորհիվ պարզվել է, որ Խորեն Մ.-ի եւ Մասիս Մ.-ի խղճին համանման եւս մեկ հանցագործություն է ծանրացած. մայիսի 13-ին նրանք Պարույր Սեւակ գյուղի արոտավայրից գողացել էին Տիգրան Մ.-ին պատկանող հորթը:
Գողոնը հայտնաբերվել է:
Տիգրան Մ.-ն գողության մասին նախկինում ոստիկանություն չէր հայտնել:
Նրանից ընդունվել է հաղորդում:
Նախաքննությունը շարունակվում է: