Ոստիկանության աշխատակիցները «Կանեփ-կակաչ 2014» համալիր օպերատիվ կանխարգելիչ միջոցառումների շրջանակներում բացահայտել են ապօրինի թմրանյութի վաճառքի հերթական դեպքը:
Օգոստոսի 21-ին մարիխուանա օգտագործելու կասկածանքով բերման ենթարկվեցին Երեւանի բնակիչներ Գուրգեն Հակոբյանը եւ Արամ Ղազարյանը: Ժամեր անց կասկածյալների թիվը հասավ 14-ի: Բոլորն էլ ոստիկանությունում պատմեցին, որ թմրանյութը ձեռք են բերել ավիատոմսերի վաճառակետից՝ ոմն Գարիից:
Օգոստոսի 22-ի լույս 23-ի գիշերը ոստիկանները բերման ենթարկեցին 45-ամյա Գարի Մխիթարյանը, որը ավիատոմսերի վաճառակետում թմրանյութ է վաճառել:
Փաստի առթիվ հարուցվել է քրեական գործ 266-րդ հոդվածի հատկանիշներով: Նախաքննությունը շարունակվում է:
Մանրամասները՝ ոստիկանության պատրաստած տեսանյութում: