ԱՄՆ ռազմաօդային ուժերն Իրաքի հյուսիսում գտնվող Ամերլի քաղաքի մերձակայքում հարվածներ են հասցրել «Իսլամական պետության» զինյալների դիրքերի ուղղությամբ եւ տեղի բնակիչների համար մարդասիրական օգնություն նետել: Այս մասին գրում է Reuters գործակալությունը՝ հղում կատարելով Պենտագոնի ներկայացուցչին:
Նշվում է, որ գործողությունը թույլատրվել է ԱՄՆ նախագահ Բարաք Օբամայի կողմից՝ Ամերլիի խաղաղ բնակիչների ուղղությամբ զինյալների հարձակումները կանխելու համար:
«Մարդասիրական օգնությունը հասցվել է ԱՄՆ ռազմաօդային ուժերի, ինչպես նաեւ Մեծ Բրիտանիայի, Ֆրանսիայի եւ Ավստրալիայի ավիացիայի կողմից»,- ասված է հաղորդագրությունում:
«Իսլամական պետության» զինյալները երկու ամիս շրջափակման մեջ են պահում Ամերլի քաղաքը: Օգոստոսի 30-ին Իրաքի անվտանգության ուժերի ստորաբաժանումները եւ քրդական զինված խմբավորումները շրջափակման օղակը ճեղքելու փորձ են ձեռնարկել:
