ՆԱՏՕ-ն մտադիր է 5 նոր ռազմաբազա հիմնել Արեւելյան Եվրոպայի երկրներում: Այս մասին գրում է «Frankfurter Allgemeine Zeitung»-ը:
Պարբերականի տվյալներով՝ բազաներ կստեղծվեն Լեհաստանում, Ռումինիայում, Էստոնիայում, Լատվիայում եւ Լիտվայում: Դրանցում տեղակայվելու է 4 հազար մարդ՝ արագ արձագանքման ստորաբաժանումների կազմում:
ՆԱՏՕ-ի ղեկավարությունն այդ կերպ մտադիր է երաշխավորել դաշինքի անդամների անվտանգությունը Ռուսաստանից:
Նշվում է, որ նոր բազաների ստեղծման ծրագրերը մանրամասն քննարկվելու են Հյուսիսատլանտյան դաշինքի գագաթաժողովում, որը նախանշված է Ուելսում, սեպտեմբերի 4-ին եւ 5-ին:
