Փարիզի հյուսիս-արեւելյան շրջանում հզոր պայթյունի հետեւանքով 5 հարկանի բնակելի շենք է փլուզվել: Զոհվել է 8-ամյա երեխա եւ տարեց կին, 12 մարդ, այդ թվում՝ 5 երեխաներ, դեռեւս չեն հայտնաբերվել:
Երկրորդ զոհի մարմինը փրկարարները դուրս են բերել փլատակների տակից: Տարեց կինը դեռեւս ողջ է եղել, երբ փրկարարները հայտնաբերել են նրան, սակայն փրկել չի հաջողվել:
Պայթյունը տեղի է ունեցել Ռոսնի-սու-Բուա (Սեն-Սեն-Դենի դեպարտամենտ) քաղաքի բնակելի տանը, տեղական ժամանակով՝ առավոտյան ժամը 8-ին:
Փարիզի հրշեջ ծառայության ներկայացուցիչը հայտարարել է, որ պայթյունի պատճառը դեռեւս հայտնի չէ: Նախնական տեղեկությունների համաձայն՝ ողբերգության կարող էր հանգեցնել գազի արտահոսքը:
Դեպքի վայրում աշխատում են շտապօգնության խմբեր եւ փրկարարներ:
