Ռուսաստանի նախագահ Վլադիմիր Պուտինը համաձայնություն է ձեռք բերել ուկրաինացի գործընկեր Պյոտր Պորոշենկոյի հետ Ուկրաինայի Արեւելքում ճգնաժամի խաղաղ կարգավորման շուրջ: Այս մասին նա հայտարարել է ռուսական Առաջին ալիքի «Կիրակնօրյա ժամանակ» ծրագրում:
«Ինձ թվում է՝ սա շատ լավ դաս է մեզ բոլորիս համար, որպեսզի այդ ողբերգությունը հնարավորինս արագ ավարտվի, ընդ որում՝ խաղաղ բանակցությունների ճանապարհով: Այդ մասին մենք համաձայնության ենք եկել Պյոտր Ալեքսեեւիչի հետ, եւ այն մասին, որ որեւէ մեկը երբեւէ նման սխալ այլեւս թույլ չտա Ուկրաինայում իշխանությունը զինված գրավելու ընթացքում: Չէ՞ որ դա առաջին պատճառն է այն ամենի, ինչ այժմ տեղի է ունենում»,- Պուտինի խոսքերն է փոխանցում «ՌԻԱ Նովոստի»-ն:
Ռուսաստանի ղեկավարը նշել է, որ Ուկրաինայի իշխանությունները պետք է բանակցություններ սկսեն երկրի Հարավ-արեւելքի պետականության խնդրով: