Չեխիայի վարչապետ Բոգուսլավ Սոբոտկան համարում է, որ Կիեւը պատրաստ չէ ո՛չ ԵՄ-ին, ո՛չ էլ ՆԱՏՕ-ին անդամակցելուն: Այս մասին նա հայտարարել է տեղական հեռուստատեսության եթերում:
«Ուկրաինան պատրաստ չէ անդամակցել ո՛չ Եվրամիությանը, ո՛չ էլ ՆԱՏՕ-ին: ՆԱՏՕ-ում ոչ մի անդամ չի առաջարկում Ուկրաինային ընդունել դաշինքի շարքերը: Երկու կազմակերպություններն էլ այդ հարցում Ուկրաինային պետք է իրական հույսեր տան»,- Սոբոտկայի խոսքերն է մեջբերում «ՌԻԱ Նովոստի»-ն:
«Եթե ուկրաինական կողմը նախագահ Պյոտր Պորոշենկոյի դեպքում խաղաղ կարգավորման ուղի է տեսնում, ապա նա չի կարող միաժամանակ նրա գաղափարներն ուղեկցել Ուկրաինայի՝ ՆԱՏՕ-ին եւ ԵՄ-ին համատեղ անդամակցելու վերաբերյալ»,- համարում է չեխ վարչապետը:
Ըստ նրա Ուկրաինայի ներկա իրավիճակը ռազմական լուծում չունի: «Մենք չենք կարող միջամտել ո՛չ որպես ԵՄ, ո՛չ էլ որպես ՆԱՏՕ: Հակառակ դեպքում՝ անկանխատեսելի հետեւանքեր կլինեն եւ կարող են հանգեցնել սարսափելի կոնֆլիկտի»,- ընդգծել է Սոբոտկան:
«Այն հանգամանքը, որ Ռուսաստանի հետ Ուկրաինայի՝ ԵՄ ասոցացված անդամակցության շուրջ համաձայնություն ձեռք չէր բերվել, Ուկրաինայի հարավ-արեւելքում արդի ճգնաժամի հիմանական պատճառներից մեկը դարձավ»,- համարում է չեխական կառավարության ղեկավարը: