ԱՄՆ կոնգրեսի Ներկայացուցիչների պալատի հետախուզության հատուկ հանձնաժողովի նախագահ Մայք Ռոջերսը (Միչիգան նահանգից Հանրապետական) Fox News հեռուստաալիքի եթերում հայտարարել է, որ մի քանի հարյուր ԱՄՆ քաղաքացիներ են ընդգրկված «Իսլամական պետություն» խմբավորման շարքերում:
Ըստ Ռոջերսի, մի քանի հարյուր ԱՄՆ քաղաքացիներ կան, ովքեր «առնվազն մեկ անգամ մեկնել են (Սիրիա կամ Իրաք), մասնակցել մարտական գործողությունների («Իսլամական պետության» կողմից) եւ մարզվել նրանց հետ»:
«Նրանց մի մասը վերադարձել է (ԱՄՆ), ոմանք գնացել են Եվրոպա»,- Ռոջերսի խոսքերն է մեջբերում Gazeta.ru-ն: