Հայաստանի ԱԻՆ-ում, օգոստոսի 31-ին, ժամը 20.06-ին տեղեկատվություն է ստացվել, որ Գետափ-Մարտունի ավտոճանապարհի 21-րդ կմ-ում տեղի է ունեցել ավտովթար. կան տուժածներ:
Դեպքի վայր է մեկնել ՃԿԿ օպերատիվ խումբը:
Պարզվել է, որ «Օպել» մակնիշի 34SA573 համարանիշի ավտոմեքենան դուրս է եկել երթեւեկելի մասից եւ շրջվել:
Մինչ հրշեջ-փրկարարների կանչի վայր հասնելը` վարորդ 24-ամյա Լ. Ս.-ն եւ 22-ամյա ուղեւոր Ա. Ս.-ն տեղի ուժերով տեղափոխվել են Եղեգնաձորի ԲԿ, որտեղ` բժիշկներն արձանագրել են Լ.Ս.-ի մահը, իսկ Ա.Ս.-ի առողջական վիճակը գնահատվել է բավարար: