Գերմանիայի արտաքին գործերի նախարար Ֆրանկ-Վալտեր Շտայնմայերը նախազգուշացրել է Ղրիմի նկատմամբ ցամաքային մուտքն ապահովելու նպատակով Ռուսաստանի կողմից Ուկրաինայի հարավ-արեւելյան տարածքի զավթման մասին: Märkische Allgemeine թերթին տրված հարցազրույցում դիվանագետը չի բացառել Ռուսաստանի կողմից բռնակցման նոր փորձը, քանի որ վերջինս ապօրինի միակցված թերակղզու մատակարարումների հետ կապված որոշակի դժվարությունների է բախվում:
Շտայնմայերի խոսքով «ռուսական ցամաքային միջանցքները նույնքան հակասում են միջազգային եւ իրավունքին եւ արժանի են դատապարտման, որքան եւ Ղրիմի միակցումը Ռուսաստանին»: Ընդ որում Գերմանիայի արտաքին քաղաքականության գերատեսչության ղեկավարը նշել է, որ Ուկրաինայի հարավ-արեւելքում իրավիճակը կտրուկ սրացել է եւ դուրս եկել վերահսկղությունից: Նա նաեւ հավելել է, որ «Ռուսաստանի եւ Ուկրաինայի միջեւ գոյություն ունի զինված հակամարտության սպառնալիք»: Նման հակամարտության իրատեսությունը Շտայնմայերը բացատրել է Ռուսատանի վրա քաղաքական եւ տնտեսական ճնշումը ուժեղացնելու Եվրամիության որոշմամբ, հաղորդում է Deutsche Welle-ի ռուսական ծառայությունը: