Բրիտանացի գիտնականները փոխադարձ կապ են հայտնաբերել մթնոլորտ ջերմոցային գազերի արտանետման եւ մարդու կողմից մսի եւ կաթնամթերքի կիրառման միջեւ:
Քեմբրիջի եւ Աբերդինի համալսարանի ուսումնասիրողները կանխատեսում են, որ ջերմոցային գազերի արտանետումը սննդամթերքի արտադրման հետեւանքով մինչեւ 2050թ. կաճի 80 տոկոսով, ինչը նշանակում է, որ մթնոլորտում ածխաթթու գազի ծավալը նվազեցնելը կլինի անհնար:
Ըստ գիտնականների` նման միտումը կարելի է կանխել, եթե զարգացող երկրներում բարելավվի գյուղատնտեսությունը, ավելի քիչ մթերք դեն նետվի, իսկ մարդիկ ավելի քիչ միս ուտեն, հայտնում է BBC-ի ռուսական ծառայությունը:
Ուսումնասիրության արդյունքները հրապարակվել են Nature Climate Change ամսագրում:
Մինչդեռ, ամերիկացի գիտնականների վերջին ուսումնասիրությունները ցույց են տալիս, որ 1998 թ. շարունակվող գլոբալ տաքացման «դադարը» կարող է ձգվել առնվազն եւս տասը տարի: