Ռուսաստանի վարչապետ Դմիտրի Մեդվեդեւը սեպտեմբերի 8-9-ը չի այցելի Հայաստան, քանի որ Հայաստանի՝ ԵՏՄ անդամակցության հարցերի քննարակումը տեղափոխվել է նախագահների դաշտ եւ կքննարակվի Մինսկում հոկտեմբերի 10-ին կայանալիք ԵՏՄ անդամ երկրների նախագահների հանդիպմանը: Այս մասին այսօր՝ սեպտեմբերի 1-ին, մի քանի լրագրողների հետ զրույցում ասաց վարչապետ Հովիկ Աբրահամյանը:
«Պայմանավորվածություն կար, որ վարչապետերը այցելեին Հայաստան, եւ այդ գործառույթն իրականացնեինք: Հիմա տեղափոխվել է նախագահների դաշտ: Հոկտեմբերի 10-ին, ինչպես գիտեք, Նազարբաեւը հայտարարել է, նախագահները հավաքվելու են Մինսկում»,-ասաց վարչապետը:
Հիշեցնենք, որ ավելի վաղ Հովիկ Աբրահամյանը հայտարարել էր, որ սեպտեմբերի 8-9-ին նախատեսվում է Ռուսաստանի վարչապետի այցը Հայաստան:
