ՌԴ արտգործնախարար Սերգեյ Լավրովն ակնկալում է, որ ԵՄ առաջնորդները կամաչեն Ուկրաինայի դեպքերի համար, հայտնում է «ՌԻԱ Նովոստին»: Արդեն հայտարարություններ են հնչում պատժամիջոցների անհեռանկար լինելու եւ անարդյունավետության մասին»,- նշել է Լավրովը՝ ելույթ ունենալով Մոսկվայի միջազգային հարաբերությունների պետական ինստիտուտում:
Նախարարն ընդգծել է, որ ստացվում է՝ ԵՄ-ն «չի կարող կամ չի ցանկանում ազդել մարտնչող Կիեւի վրա, չի կարող կանգնեցնել նրան եւ պարտադրել կատարել այն, ինչի մասին պայմանավորվել են, եւ որպեսզի այդ անհարմար պահը քողարկվի, նորից սեւեռվում են «պատժամիջոցների մտրակի» վրա»:
Ըստ Ռուսաստանի արտգործնախարարի` ստեղծված իրադրության «ամոթալիությունն» արդեն գիտակցում են ԵՄ երկրների շատ նախագահներ:
«Վստահ եմ, որ այս դրության ամոթալիությունն արդեն գիտակցում են եվրոպական շատ լուրջ առաջնորդներ: Սակայն, հավանաբար, նրանք անհարմար են զգում դա խոստովանել, քանի որ դա նշանակում է ընդունել իրենց քայլերի չհիմնավորվածությունը», - հայտարարել է Լավրովը: