Պակիստանի վարչապետ Նավազ Շարիֆի հրաժարականը պահանջող ցուցարարները մոտեցել են Իսլամաբադում գտնվող վարչապետի նստավայրին, ոստիկանությունը ցուցարարներին ցրելու համար արցունքաբեր գազ է կիրառում, հաղորդում է «ՌԻԱ Նովոստին»:
Ցուցարարները ներխուժել են կառավարական թաղամաս՝ զինված փայտե ծեծաններով եւ մոտեցել վարչապետի նստավայրին, սակայն դեռեւս անհայտ է՝ վերջինս այնտե՞ղ է, թե՞ոչ:
Ավելի վաղ հաղորդվել էր, որ պակիստանյան PTV հեռուստաալիքը դադարեցրել է հեռարձակումը այն բանից հետո, երբ բողոքողները ներխուժել են հեռուստաընկերոթյան գրասենյակ:
Իսլամաբադում արդեն երեք շաբաթ շարունակ բողոքի ցույցերը չեն դադարում: Լրատվամիջոցների տվյալներով՝ անկարգությունների հետեւանքով արդեն երեք մարդ զոհվել, ավելի քան 400-ը՝ վիրավորվել են: