Թուրք հայտնի ռեժիսոր Ֆաթիհ Աքընը Վենետիկի կինոփառատոնում Հայոց ցեղասպանության վերաբերյալ իր ֆիլմի ցուցադրությունից առաջ նշել է, թե չի վախենում իրեն հասցեագրված թուրք ազգայնականների սպառնալիքներից եւ հանուն արվեստի պատրաստ է մահանալ:
Թուրքական Sondakika կայքի փոխանցմամբ՝ Վենետիկի 71-րդ կինոփառատոնում Հայոց ցեղասպանության մասին պատմող The Cut (Հատում) ֆիլմով մասնակցող թուրք հայտնի ռեժիսոր Ֆաթիհ Աքընը ցուցադրությունից առաջ կազմակերպված մամուլի ասուլիսի ժամանակ հայտարարել է, թե ֆիլմի հետ կապված քննադատություններին եւ դրանց պատասխանների համար 7-ից 8 տարի պատրաստվել եւ այժմ պատրաստ է դրանց:
«Այո, սպառնալիքներ եմ ստացել, բայց հանուն արվեստի արժե մահանալ: Ես պարզապես չեմ ցանկանում այս թեմային շատ կարեւորություն տալ»,-ասել է Ֆաթիհ Աքընը: