Իմ ու յուրաքանչյուր զինվորականի համար դասարանը վաղվա դասակն է, դպրոցը` վաղվա խոշոր ստորաբաժանումը, որովհետեւ այսօրվա դպրոցականն է Հայկական բանակի վաղվա օրը, եւ, ի վերջո, բանակն է դպրոցի շարունակությունը: Այս մասին, այսօր՝ սեպտեմբերի 1-ին, Գիտելիքի օրվա առթիվ իր ուղերձում նշել է պաշտպանության նախարար Սեյրան Օհանյանը:
Հայտնի արտահայտություն կա՝ «Բանակը կյանքի դպրոց է»: Բայց բանակը միաժամանակ ամենաիսկական ուսումնական հաստատություն է, ուղղակի որոշ յուրահատկություններ ունի. բանակը կոլեկտիվ ջանքերի ու բոլորի կարողություններն ու հնարավորությունները ներդաշնակելու եւ առաջադրված դժվարին խնդիրները համախմբվածության միջոցով լուծելու վայր է»,-ասել է նա: