Իրանի Իսլամական Հանրապետության առաջին փոխնախագահ Էսհակ Ջահանգիրին հայտարարել է, որ Իրանը իրավունք ունի ԱՄՆ-ի պատժամիջոցներին նույնկերպ պատախան տալ, հաղորդում է «ՌԻԱ Նովոստին»՝ վկայակոչելով IRNA-ին:
Պետպաշտոնյան քննադատել է Վաշինգթոնի նոր պատժամիջոցները եւ հայտարարել, որ դրանք հակասում են Թեհրանի եւ համաշխարհային տերությունների միջեւ նոյեմբերին կնքված Ժնեւի համաձայնության սկզբունքներին:
Նրա խոսքով՝ այս քայլը հակասում է Իրանի ատոմային խնդրի լուծման գործընթացին, սակայն, միեւնույն ժամանակ, հաստատել, որ Թեհրանը կշարունակի բանակցությունները «Վեցնյակի» հետ (Ռուսաստան, ԱՄն, Չինաստան, Մեծ Բրիտանիա, Ֆրանսիա եւ Գերմանիա):
Ավելի վաղ հայտնի էր դարձել, որ ամերիկյան իշխանությունները նոր պատժամիջոցներ են սահմանել 25 ֆիզիկական անձանց եւ կազմակերպությունների դեմ, այդ թվում՝ իրանական ատոմային ծրագրին օժանդակելու մեջ կասկածվող տրանսպորտային ընկերություններ, ավիաընկերությունները եւ 6 բանկ: Վաշինգթոնը հայտարարել էր, որ նոր պատժամիջոցների ցուցակում հայտնվածները խախտել են Իրանի նկատմամբ գործող սահմանափակումները
Մեկնաբանելով ԱՄՆ-ի կողմից իրանական մի շարք ձեռնարկությունների դեմ սահմանված նոր պատժամիջոցները՝ Ռոհանին հայտարարել է, որ իր վարչակազմը «նոր պատժամիջոցների հետեւանքների հաղթահարման ճանապարհին մտադիր չէ կորցնել եւ ոչ մի րոպե»: