Ռուսաստանի պաշտպանության նախարարության՝ Հայաստանում Հարավային ռազմական շրջանի զինծառայողների երեխաների դպրոցը նշում է 20-ամյակը:
Գիտելիքի օրը զորամասի հրամանատարությունը կազմակերպել է նոր մարզահամալիրի բացումը եւ ուսումնական նոր շենքերի ցուցադրությունը:
Գյումրիի թիվ 19 դպրոցի հանդիսավոր տողանին հրավիրված էին ռազմաբազայի հրամանատարությունը, դիվանագիտական կորպուսի ներակայացուցիչներ, վետերաններ, ծնողներ, առաջին դասարանցիներ եւ 1994 թվականի շրջանավարտներ: Վերջիններից շատերը տողանին եկել էին իրենց երեխաների հետ:
«Բարի ավանդույթ է ուսումնական տարվա առաջին օրը տոնելը, որը շատ սերունդների է միավորում: Սա մեր ընդհանուր տոնն է, քանի որ գիտելիքն է ամեն գործի սկիզբը, ամեն մասնագիտության»,- շնորհավորել է դպրոցի տնօրեն Կարինե Գրիգորյանը:
Գյումրիում Ռուսաստանի պաշտպանության նախարարության ուսումնական հաստատությունում սովորում են զինծառայողների, ռազմաբազայի քաղաքացիական անձնակազմի, զինվորական թոշակառուների ավելի քան 600 երեխաներ: