Գեղարքունիքի մարզի Երանոս գյուղի գազալցակայանում այսօր՝ սեպտեմբերի 1-ին, լիցքավորման ընթացքում տեղի ունեցած պայթյունից վիրավորված 55-ամյա տղամարդը քիչ առաջ «Սուրբ Գրիգոր Լուսավորիչ» բժշկական կենտրոնում մահացել է:
NEWS.am-ին հիվանդանոցից հայտնեցին, որ տղամարդը մահացել է վիրահատության ընթացքում:
«Մյուս վիրավորի վիճակը կայուն է, գիտակցության է, մարմնի մեջ բեկորներ կային, հեռացրել ենք, աչքի մեջ էլ է ընկել, վաղը պատրաստվում ենք դա հեռացնել»,- ասաց ԲԿ-ի փոխտնօրեն Գագիկ Մանուկյանը:
Հիշեցնենք, որ ըստ ԱԻՆ-ի՝ Երեւանյան խճուղու թիվ 3 հասցեում գտնող «Հայկ եւ Նորիկ» ՍՊԸ-ին պատկանող գազալցակայանում տեղի է ունեցել «ՎԱԶ-2101» մակնիշի 34 ML 887 համարանիշի ավտոմեքենայի գազի բալոնի պայթյուն, ինչի հետեւանքով վնասվել է նաեւ մոտակայքում կայանված «Մազդա» մակնիշի 34 SV 887 համարանիշի ավտոմեքենան:
Պայթյունի հետեւանքով 60-ամյա Ս. Մ.-ն եւ գազալցակայանի աշխատակից 55-ամյա Բ. Ա.-ն, ստացել են տարբեր աստիճանի մարմնական վնասվածքներ:
