Եվրասիական տնտեսական միությանը Հայաստանի անդամակցության գործընթացը գնում է, եւ կարծում եմ համապատասխան արդյունքները շուտով կլինեն: Այս մասին, այսօր՝ սեպտեմբերի 1-ին, «Ազատություն» ռադիոկայանի հետ զրույցում նշել է Հայաստանի արտգործնախարար Էդվարդ Նալբանդյանը:
Հարցին, թե արդյոք հնարավո՞ր է, որ այս տարի չստորագրվի Եվրասիական միությանը Հայաստանի անդամակցության պայմանագիրը, հաշվի առնելով, որ անորոշ ժամկետով հետաձգվեց Ռուսաստանի վարչապետ Դմիտրի Մեդվեդեւի՝ սեպտեմբերի 8-9-ը նախատեսված այցը Երեւան, որի ժամանակ, ըստ որոշ տեղեկությունների, պետք է քննարկվեր նաեւ Եվրասիական միությանը Հայաստանի անդամակցության հարցը, Նալբանդյանը պատասխանել է. «Գործընթացը գնում է, եւ կարծում եմ համապատասխան արդյունքները շուտով կլինեն»: