Արարատի մարզի Մասիս քաղաքում 245 աշակերտի համար նախատեսված կրթօջախ է կառուցվել: Թիվ 5 ավագ դպրոցի կառուցման համար Հայաստանի պետբյուջեից 460 մլն դրամ է հատկացվել:
Այսօր՝ սեպտեմբերի 1-ին, ուսումնական տարվա մեկնարկի առիթով Մասիսի նորակառույց դպրոց է այցելել քաղաքաշինության նախարար Նարեկ Սարգսյանը՝ վարչապետ Հովիկ Աբրահամյանի եւ պաշտոնատար այլ անձանց հետ: Այս մասին տեղեկանում ենք քաղաքաշինության նախարարության մամուլի ծառայությունից:
Բարձրաստիճան պաշտոնյաները եղել են նաեւ մայրաքաղաքի Վարդաշենի դպրոցում: Այս կրթօջախի հիմնանորոգման համար էլ պետական բյուջեից հատկացվել է 760 մլն դրամ:
Ուսումնական երկու հաստատությունները համալրվել են նաեւ նոր գույքով, ուսումնական պարագաներով եւ աշակերտների համար անհրաժեշտ այլ միջոցներով:
