Ռուսաստանում կալանավորված արցախցի գործարար եւ բարերար Լեւոն Հայրապետյանին քիչ առաջ տեղափոխել են քաղաքացիական հիվանդանոց: Այս մասին «Ազատություն Լեւոն Հայրապետյանին» ֆեյսբուքյան էջում գրել է գործարարի վստահված անձ Մացակ Փոլադյանը:
Հիշեցնենք, որ Մոսկվայում կալանավորված ռուսաստանաբնակ հայ գործարարի առողջական վիճակը գնալով վատանում էր: Նրա մտերիմների հավաստմամբ՝ բազմաթիվ առողջական խնդիրներ ունեցող Հայրապետյանին համապատասխան բուժումը չէին տրամադրում:
Նշենք, որ ՌԴ ՔԿ-ն հուլիսի 24-ին մեղադրանք էր ներկայացրել Լեւոն Հայրապետյանին՝ ՌԴ ՔՕ 160 (յուրացում կամ վատնում) եւ 174 (ապօրինի եղանակով ձեռք բերված միջոցների լվացում) հոդվածներով: