Սեպտեմբերի 1-ին, ժամը 23.35-ին ահազանգ է ստացվել, որ միջպետական Մ-2 ավտոճանապարհի Մեղրի-Երեւան 158-րդ կմ-ում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ միջպետական Մ-2 ավտոճանապարհի Գորիս-Երեւան 11-րդ կմ-ում (Հարժիս գյուղի հատված) «Միցուբիշի Իո» մակնիշի 19 ՍՕ 524 համարանիշի ավտոմեքենան դուրս է եկել ճանապարհի երթեւեկելի հատվածից եւ գլորվել հարակից դաշտը (մոտ 3 մ), ինչի հետեւանքով 34-ամյա Մ. Հ.-ն եւ 19-ամյա Ն. Ն.-ն տեղում մահացել են, 2014 թ. ծնված Լ. Հ.-ն մահացել է հոսպիտալացման ճանապարհին, իսկ 26-ամյա Ա. Ք.-ը հոսպիտալացվել է Գորիսի ԲԿ:
Բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան:
