Ռուսաստանը մինչեւ 2014թ. դեկտեմբերը ռազմական խստացված դոկտրին կընդունի՝ նոր սպառնալիքների ի հայտ գալու պատճառով: Այս մասին տեղեկացնում է «ՌԻԱ նովոստին»՝ վկայակոչելով ՌԴ ԱԽ քարտուղարի տեղակալ Միխայիլ Պոպովին:
«Դոկտրինում փոփոխություններ կատարելու աշխատանքը նախատեսում ենք ավարտել ընթացիկ տարում», — հայտարարել է Պոպովը:
Ըստ նրա՝ ռազմական դոկտրինի ճշգրտումը պայմանավորված է առաջին հերթին արտաքին քաղաքական գործոններով՝ ՆԱՏՕ-ի ընդլայնում, ՀՀՊ խնդիրներ, ինչպես նաեւ՝ Ուկրաինայի իրավիճակով:
Բացի այդ, ըստ Պոպովի, ավելի ակնհայտ է ԱՄՆ-ի եւ ՆԱՏՕ-ի երկրների ձգտումը՝ միտված ռազմավարական հարձակողական ներուժն աճեցնելուն:
Ռուսաստանի գործող ռազմական դոկտրինն ընդունվել էր 2010-ին:
