Վրաստանը Հայաստանի եվրասիական ինտեգրման նկատմամբ առողջ պրագմատիզմ է ցուցաբերել: Այդ մասին այսօր՝ սեպտեմբերի 2-ին, լրագրողներին հայտարարեց Ազգային ժողովի պատգամավոր, ֆինանսավարկային եւ բյուջետային հարցերով մշտական հանձնաժողովի նախագահ Գագիկ Մինասյանը:
Ի պատասխան Եվրասիական տնտեսական միությանն անդամակցության դեպքում Վրաստանի եւ Իրանի հետ առեւտրի բարդացման մասին Հայաստանի նախկին նախագահ Ռոբերտ Քոչարյանի հայտարարությունը մեկնաբանելու խնդրանքին, Մինասյանը նկատեց, որ Վրաստանի պատրաստ է փոխզիջման գնալ ապրանքների առաջխաղացման հարցում: «Սա Վրաստանի շահերից բխող առողջ պրագմատիզմ է: Համոզված եմ, որ այն գործընթացները, որոնք վերջին կես տարում ընթանում են Եվրասիական եւ Եվրոպական միությունների (Հայաստանի եւ Վրաստանի տարբեր ինտեգրացիոն ուղղությունները) շփման գոտում, պետք էր ենթադրել մի շարք խնդիրներ, սական արդյունքում հաղթեց առողջ պրագմատիզմը»:
Նշենք որ Ռուսաստանում տպագրվող «Նոյյան Տապան» թերթին տրված հարցազրույցի ժամանակ Հայաստանի երկրորդ նախագահ Ռոբերտ Քոչարյանը հայտարարել էր, որ Հայաստանի միացումը Եվրասիական տնտեսական միությանը կբարդացնի Վրաստանի եւ Իրանի եւ այդ երկրներով այլ երկրների հետ ապրանքաշրջանառությունը:
Լուսանկարը՝ Արսեն Սարգսյանի՝ NEWS.am