Ուկրաինայի պետական սահմանապահ ծառայությունը հաղորդել է, որ Հակաահաբեկչական գործողությունների ժամանակ Ուկրաինայի արեւելքում 54 սահմանապահ է զոհվել, հաղորդում է UNN-ը:
«Ռազմական բախումների հետեւանքով Ուկրաինայի արեւելքում 54 սահմանապահ է զոհվել», - ասվում է հաղորդագրության մեջ:
Բացի այդ, սեպտեմբերի 1-ին Ուկրաինական բանակի 300 մարտիկներ նահանջել են Գեորգիեւկ, Լուտուգինո շրջաններից եւ Լուգանսկի օդանավակայանից:
«5 ժամ տեւած մարտի ընթացքում ուկրաինական զինվորականներից 40-ը վիրավորվել են, 20-ը՝ զոհվել: Ոչնչացվել են մեր ռազմական տեխնիկայի 50 միավորներ: Զոհվածների հստակ թիվը դեռ չգիտենք: Մեզ հայտնի է, որ 3 մարդ պարզապես պայթել են ականների վրա», - պատմել է ուկրաինական հրամանատարներից մեկը, ով երեկ այլ զինվորականների հետ տարհանվել է Գեորգիեւկի շրջանից:
