Հայաստանը Եվրասիական միությունից օգուտ կարող է ակնկալել միայն այն ժամանակ, երբ անդամակցի դրան, սեպտեմբերի 2-ին լրագրողներին ասել է ԱԺ պատգամավոր, ԱԺ ֆինանսավարկային եւ բյուջետային հարցերի հանձնաժողովի նախագահ Գագիկ Մինասյանը:
Ըստ նրա՝ հազիվ թե խելամիտ լիներ ակնկալելը, որ ռուսական խոշոր ներդրումները, օրինակ՝ «Նաիրիտի» վերակառուցման համար, Հայաստան կհոսեն անմիջապես այն բանից հետո, երբ հանրապետությունը որոշեց անդամակցել ԵՏՄ-ին:
«Հայկական տնտեսությունը բավականին թեթեւացնող առավելություններից մեկը, որի մասին պայմանավորվել են Ռուսաստանի եւ Հայաստանի նախագահները 2013թ. դեկտեմբերին, գազի սակագինն է: Սահմանին դա շատ ցածր գին է, որը Հայաստանը հաստատ չէ կարող ստանալ, եթե ինտեգրացիոն այլ դաշինքում լիներ », - նշել է Մինասյանը:
Հիշեցնենք, 2013 թ. դեկտեմբերին Ռուսաստանի նախագահ Վլադիմիր Պուտինի Հայաստան այցի ընթացքում կողմերը պայմանավորվել էին հայկական սահմանին գազի սակագնի վերաբերյալ` 189 դոլար հազար խմ-ի դիմաց՝ առաջիկա 5 տարում:
