Լեռնային Ղարաբաղի հետ կապված խնդիրները Եվրասիական տնտեսական միության օրակարգում չկան: Այդ մասին այսօր՝ սեպտեմբերի 2-ին, լրագրողներին հայտարարեց Ազգային ժողովի պատգամավոր, ֆինանսավարկային եւ բյուջետային հարցերով մշտական հանձնաժողովի նախագահ Գագիկ Մինասյանը: Նրա խոսքով՝ ակնհայտ է, որ Հայաստանի եւ Լեռնային Ղարաբաղի միջեւ սահմանային ռեժիմի փոփոխության համար հիմքեր չկան: Դրանք ամենատարբեր ոլորտներում սերտ կապեր ունեցող տարբեր պետություններ են:
«Ակնհայտ է, որ Հայաստանի Հանրապետությունն ու Լեռնային Ղարաբաղը առանձին պետություններն են, մեկը ճանաչված է, մյուսը՝ ոչ: Ակնհայտ է նաեւ այն, որ նրանց միջեւ ամենատարբեր ոլորտներում ամենասերտ կապեր գոյություն ունեն: Սակայն դա ոչ մի կերպ չի կարող խանգարել Եվրասիական միությանը Հայաստանի անդամակցությանը», - հավելեց Մինասյանը: