ԱԻՄ առաջնորդ Պարույր Հայրիկյանը դեռ չի որոշել՝ սեպտեմբերի 8-ին հացադուլ սկսել նախագահական նստավայրի մոտ, թե ոչ: NEWS.am-ի հետ զրույցում Հայրիկյանը նշեց, որ այդ հարցն իր ընկերներն ու մտերիմները դեռ քննարկում են:
«Այս հարցի շուրջ տարբեր մոտեցումներ կան, մի մասն ասում է՝ անպայման արա հացադուլ, մյուս մասն էլ կարծում է, որ կարիք չկա: Ես որոշել հացադուլ անել, բայց չգիտեմ՝ կանեմ, թե ոչ, որովհետեւ չեմ ուզում ընկերներիս դեմ գնալ: Ամեն դեպքում սեպտեմբերի 8-ին հանրահավաք է լինելու Բաղրամյան 26-ում, այնուհետեւ երթ, իսկ հացադուլն ու նստացույցը հարցականի տակ են»,- ասաց նա:
Հայրիկյանի խոսքով՝ ինքն այս պահին ԼՂՀ-ում է, մասնակցում է անկախության օրվան նվիրված միջոցառմանը, իսկ մնացածի մասին կխոսի վերադառնալուց հետո:
Հիշեցնենք, որ «Ազգային ինքնորոշում» միավորման նախագահ Պարույր Հայրիկյանն օգոստոսի 14-ին ՀՀ նախագահ Սերժ Սարգսյանին հրաժարականի պահանջով նամակ էր հանձնել: Նամակն անպատասխան էր մնացել, այդ պատճառով Հայրիկյանը որոշել էր հացադուլ սկսել: