Եվրասիական տնտեսական միությունը կարող է ընդլանվել մինչեւ ՀԱՊԿ-ի շրջանակ: Այս մասին սեպտեմբերի 2-ին լրագրողներին ասել է ԱԺ պատգամավոր, ԱԺ ֆինանսավարկային եւ բյուջետային հարցերի հանձնաժողովի նախագահ Գագիկ Մինասյանը:
Ըստ նրա` դա կարելի է ենթադրել՝ հաշվի առնելով, որ բացի Հայաստանից, ԵՏՄ-ին անդամակցելու հարցում շահագրգռված է նաեւ Ղրղըզստանը:
«Սա կարագացնի այն հարցը, որպեսզի ՀԱՊԿ անդամները միավորվեն միասնական տնտեսական կառույցում: Սակայն միաժամանակ, անդամ երկրները կունենան նաեւ անդամակցության ռազմական բաղադրիչ, քանի որ այդ բոլոր երկրներն ընդգրկվելու են ՀԱՊԿ-ում: Իսկ ռազմական բաղադրիչն անվտանգության բաղադրիչ է, որը մեզ համար շատ կարեւոր է` հաշվի առնելով մեր արտաքին խնդիրները եւ աշխարհաքաղաքական իրավիճակը», - հայտարարել է Մինասյանը: